Lebo ya muziki inayofanya vizuri Bongo ya Wasafi Classic Baby ‘WCB’ imetangaza kusaka wasanii wapya sita mwaka huu.

Taarifa hiyo iliyotolewa na Pruducer wa lebo hiyo Lizer kupitia ukurasa wake wa Instagram huku akiweka vigezo vya mtu anayehitajika.

“Fursa ya kujiunga na label (WCB) tunatafuta wasanii wapya sita kujiunga nasi mwaka huu, ikiwa wewe ni msanii mwenye kipaji unasifa zifuatazo thakukaribisha kutuma maombi, soma vigezo na namna uya kutuma kazi zako.Vigezo:1. Uwe unajua kuimba vizuri nyimbo za aina tofauti tofauti, 2. Uwe una uwezo wa kuandika nyimbo zako kwa ufasaha.


3. Uwe unajua kucheza, 4. Tuma nyimbo 3 ambazo zimesharekodiwa, 5. Tuma maelezo yako kwa ufupi {PROFILE} (jina, umri, mahali unakotoka, n.k.), 6. Tuma account yako ya Instagram ili tuweze kukufahamu zaidi, 7.Uwe Mtanzania. Tuma kupitia namba ya simu ifuatayo: 0674739353 (whatsapp pekee,usipige simu)

Hakikisha unatuma vitu vyote vilivyotajwa hapo juu. Maombi yanapokelewa kuanzia sasa hadi Tarehe 4-2-2025, Sms Zitaanza kujibiwa ndani ya masaa 48,” ameandika Lizer

Utakumbuka kuwa mara ya mwisho lebo hiyo kutambulisha msanii mpya ilikuwa mwaka 2023 ambapo ilimsaini mwanamuziki D Voice ambaye anaupikwa mwingi ndani na nje ya nchi.