Matetemeko ya ukubwa wa 6.4 na 5.8 yalipiga kusini mashariki karibu na mpaka na Syria, ambapo matetemeko hayo yaliharibu nchi zote mbili mnamo 6 Februari.

Kwa mara nyingine tena waokoaji wanatafuta watu waliokwama chini ya vifusi baada ya matetemeko mawili mapya ya ardhi kuikumba Uturuki na kuua takribani watu watatu.

Matetemeko ya awali yalisababisha vifo vya watu 44,000 nchini Uturuki na Syria huku makumi ya maelfu ya wengine wakiachwa bila makazi.

Shirika la maafa na dharura la Uturuki linasema tetemeko hilo la 6.4 lilitokea saa 20:04 saa za ndani (17:04 GMT), na kufuatiwa na tetemeko la 5.8 dakika tatu baadaye.

Vifo hivyo vitatu vilitokea Antakya, Defne na Samandag, Waziri wa Mambo ya Ndani Süleyman Soylu aliwataka watu kutoingia kwenye majengo yanayoweza kuwa hatari kwa usalama wao.

Sun, Apr 2023

Unaishije na watu wanaokatisha tamaa kazini Alooooh! It’ another Friday mtu wangu, kama kawaida yetu hatunaga mbambamb...

Tue, Apr 2024

Umuhimu wa kuchukua likizo kazini Na Aisha Lungato Kwa mujibu wa Sheria ya Ajira na Mahusiano Kazini ya Mwaka 2008...

Fri, Oct 2021

CCM yaijia juu TFS madai ya kuwapiga wananchi Ushetu Chama cha Mapinduzi (CCM), imeijia juu Wakala wa Misitu Tanzania (TFS) kwa madai...

Soylu aliongezea kwa kusema kuwa watu 213 wamejeruhiwa kufuatia tetemeko hilo.

"Nilidhani dunia imepasuka chini ya miguu yangu," mkazi wa eneo hilo Muna al-Omar aliliambia shirika la habari la Reuters, huku akilia akiwa amemshika mtoto wake wa kiume mwenye umri wa miaka saba.