Msanii wa Nigeria Asake ameibua mijadala mtandaoni baada ya kutangaza kuanzisha biashara ya Bangi iitwayo Giran Energy 5K mjini California, Marekani.

Asake amethibitisha hilo baada ya kusambaza picha ya brand hiyo kwenye ukurasa wake wa Instagram.Anaenda kuwa msanii wa pili kutokea Nigeria kuanzisha biashara hiyo baada ya Burna Boy ambaye alianzisha biashara ya mwaka 2022 ambayo inafahamika kama 'Brkfst'.

Uzinduzi wake huo wa ‘Giran Energy 5K’ umezua hisia mbalimbali huku Wanigeria wakijitokeza kwenye mitandao ya kijamii kutoa maoni yao ya kukosoa uamuzi wake wa kuingia kwenye biashara hiyo.

Utakumbuka Asake alianza mwaka kwa kuwashangaza mashabiki zake kutokana na mwonekano wake wa hivi karibuni ambao uliibua mijadala kwenye mitandao ya kijamii kutokana na tatoo zake mpya za usoni, wengine wakidhani kwamba mwimbaji huyo anaweza kuwa anapitia wakati mgumu au tatizo la afya ya akili.

Mwimbaji huyo ambaye kwa sasa ameachana rasmi label ya YBNL inayomilikiwa na rapa Olamide, pia alijizawadia Tesla mpya kabisa wakati akisherehekea miaka 30 ya kuzaliwa kwake.