Mwanamuziki Darassa 'Mr Burudani' ametangaza ujio wa albamu yake mpya itakayoitwa Take Away The Pain.

Albamu hiyo ambayo inatarajia kuachiwa rasmi Februari 7, 2025 ikiwa imebeba lengo kuondoa maumivu kwa mashabiki, inaelezwa kuwa itakuwa tiba kwa wasikilizaji.

Hii itakuwa albamu ya pili kutoka kwa Darassa baada ya ile Slave Become A King iliyotoka 2020 ikiwa na jumla ya nyimbo 21 ambazo ndani wameshirikishwa wakali kama Alikiba, Ben Pol, Bill Nass, Marioo, Nandy, Femi One, Sho Madjozi na wengine wengi.

Jina hilo la albamu 'Take Away The Pain' linaonesha mtiririko mzuri wa msanii huyo katika kuachia kazi zake akizingatia majina.

Hiyo imekuwa ikifanywa pia na wasanii wengi kama Young Lunya ambaye alitumia jina la Mbuzi kwenye albamu yake aliyoachia mwaka 2024, Rema ambaye aliita albamu yake HeIs ikiwa ni jina lake analotumia kwenye mitandao ya kijamii.

Kanye West na albamu yake ya Donda ikiwa Donda ni jina la mama yake mzazi na amekuwa akilitaja sana kwahiyo halikuwa jipya kwenye masikio ya mashabiki.