Wasambazaji wa filamu ya ‘Squid Game’ iliyoweka rekodi zaidi toka kuachiwa kwake wameweka wazi kuwa msimu wa tatu wa filamu hiyo utakuwa wa mwisho kuachiwa.

Kupitia ukurasa wa Instagram wa Netflix umeshare kava mpya ya filamu hiyo huku ikiweka wazi kuwa msimu wa tatu wa Squid Game utakuwa wa mwisho ambao utaachiwa rasmi Juni 27,2025.

Hatua ya kuachia msimu wa tatu wa filamu hiyo unakuja baada ya Squid Game Msimu wa 2 kufanya vizuri na kupata rekodi za kutosha, kupitia mtandao wa Netflix jambo lililopelekea waandaaji kuingia tena mzigoni kuachia muendelezo wa filamu hiyo.

Squid Game msimu wa pili iliachiwa rasmi Desemba 26, 2024 huku ikichezwa na mastaa mbalimbali wakiwemo Lee Jung-jae, Lee Byung-hun, Wi Ha-jun, Gong Yoo na wengineo.

Ikumbukwe kuwa msimu wa kwanza wa filamu hiyo ilionesha na Netflix kwa mara ya kwanza Septemba 2021 ikiongozwa na Mkurugenzi wa filamu, na mwandishi Hwang Dong-hyuk.